სოფელ კურსების მეწყრული ზონიდან ცხოველები გამოიყვანეს - სეს
- Details
- By ია გრიგალაშვილი
- Hits: 67
ტყიბულის მუნიციპალიტეტის სოფელ კურსებში მეწყრული ზონიდან შინაური ცხოველები გამოიყვანეს და უსაფრთხო ადგილზე გადაიყვანეს. ამის შესახებ ინფორმაციას სურსათის ეროვნული სააგენტო ავრცელებს.
სააგენტოს ცნობით, პროცესში ჩართული იყვნენ სურსათის ეროვნული სააგენტოს იმერეთის რეგიონული დეპარტამენტისა და ძაღლების ჰიპერპოპულაციის მართვის პროგრამის ეკიპაჟები, შინაგან საქმეთა სამინისტროს საგანგებო სიტუაციების მართვის სამსახურის მხარდაჭერით.
ცხოველების გამოყვანა ადგილობრივი მოსახლეობის მოთხოვნის საფუძველზე განხორციელდა, თავად მეპატრონეები კი მათი იდენტიფიცირების პროცესშიც მონაწილეობდნენ.
ამ ეტაპზე, ცხოველები ქუთაისის მუნიციპალურ თავშესაფარში გადაჰყავთ, სადაც შესაბამისი მოვლის უზრუნველყოფასთან ერთად, მეპატრონეების სურვილის შემთხვევაში, მათ ვეტერინარული მომსახურებაც ჩაუტარდებათ. შემდგომში ცხოველები საკუთარ პატრონებს დაუბრუნდებიან.
შეგახსენებთ, რომ მეწყერმა, ტყიბულის რაიონ სოფელ კურსებში, რამდენიმე ათეული ოჯახი უსახლკაროდ დატოვა. ბოლო ინფორმაციით, კურსების ორი უბნიდან 45 ოჯახია ევაკუირებული . ისინი დროებით სასტუმროში არიან გადაყვანილი.
