Featured Articles

ჩინეთმა სანქციები დაუწესა აშშ-ის კონგრესის ზოგიერთი წევრის, მთავრობის წარმომადგენლებისა და არასამთავრობო ორგანიზაციების ხელმძღვანელების მიმართ. როგორც ქვეყნის საგარეო საქმეთა სამინისტროში განაცხადეს, აღნიშნული ნაბიჯი ჰონგ კონგთან დაკავშირებულ საკითხებზე "უხეშ ქცევას" უკავშირდება.

უწყების პრესსპიკერის, ლინ ძიანის განცხადებით, სანქციების მიზანი ამერიკული ჩარევის შეჩერებაა: "ჰონგ კონგი არის ჩინეთის ჰონგ კონგი, და ის არ წარმოადგენს აშშ-ის ჩარევის საგანს". მისივე თქმით, პეკინი ვაშინგტონს ბრალს სდებს ქვეყნის შიდა საქმეებში ჩარევასა და საერთაშორისო სამართლის პრინციპების დარღვევაში.

ჩინეთის მხარე აცხადებს, რომ ნებისმიერი მსგავსი ქმედება მტკიცე და ადეკვატურ რეაგირებას მიიღებს.

რომის პაპის, ფრანცისკეს გარდაცვალებას აშშ-ის პრეზიდენტი დონალდ ტრამპი ეხმაურება.

„მშვიდად განისვენე, პაპო ფრანცისკე! ღმერთმა დალოცოს იგი და ყველა, ვისაც ის უყვარდა“, – წერს ტრამპი სოციალურ ქსელში.

რომის პაპი ფრანცისკე 88 წლის ასაკში გარდაიცავალა.

კარდინალი ხორხე მარიო ბერგოლიო კათოლიკური ეკლესიის წინამძღოლად აირჩიეს 2013 წლის მარტში, მას შემდეგ, რაც პაპი ბენედიქტ XVI გადადგა. ის იყო პირველი ლათინოამერიკელი იეზუიტი პაპი და ერთ-ერთი უხუცესი ეკლესიის ისტორიაში.

რომის პაპი ფრანცისკე, დღეს დილით, 88 წლის ასაკში გარდაიცვალა. ამის შესახებ ინფორმაციას ვატიკანი ავრცელებს. 

"ძვირფასო ძმებო და დებო, ღრმა მწუხარებით ვაცხადებ ჩვენი წმინდა მამის, ფრანცისკეს, გარდაცვალების შესახებ.

დღეს დილით, დილის 7:35 საათზე, რომის ეპისკოპოსი, ფრანცისკე, მამის სახლში დაბრუნდა. მან მთელი ცხოვრება უფლისა და მისი ეკლესიის მსახურებას მიუძღვნა..." - განაცხადა კარდინალმა კევინ ფარელმა. 

ცნობისთვის, ახალი პაპის არჩევის პროცესი, როგორც წესი, პაპის გარდაცვალებიდან 15-20 დღის განმავლობაში ტარდება.

შეგახსენებთ, რომის პაპი ფრანცისკე 14 თებერვალს მძიმე პნევმონიით საავადმყოფოში გადაიყვანეს. მოგვიანებით, რამდენიმეკვირიანი მკურნალობის შემდეგ, ის კლინიკიდან გაწერეს. როგორც მაშინ ვატიკანი აცხადებდა, პაპის ჯანმრთელობის მდგომარეობა გაუმჯობესებული იყო.

აშშ-ის პრეზიდენტი დონალდ ტრამპი იმედს გამოთქვამს, რომ მომავალ კვირაში რუსეთი და უკრაინა შეთანხმებას მიაღწევენ. ამის შესახებ ტრამპი სოციალურ ქსელ Truth Social-ზე წერს. 

„იმედია, რუსეთი და უკრაინა შეთანხმებას მიაღწევენ ამ კვირაში. შემდეგ ორივე დაიწყებს დიდი ბიზნესის წარმოებას ამერიკის შეერთებულ შტატებთან, რომელიც ყვავის და სიმდიდრეს დააგროვებენ!“ – წერს ტრამპი.