Featured Articles

სამხრეთ კორეაში ვადამდელი საპრეზიდენტო არჩევნები 3 ივნისს გაიმართება- ამის შესახებ ინფორმაციას  „დოიჩე ველე“ ავრცელებს.

ქვეყანაში პოლიტიკური კრიზისი 2024 წლის მიწურულს დაიწყო. მაშინ მოქმედმა და მოგვიანებით იმპიჩმენტგამოცხადებულმა პრეზიდენტმა, იუნ სუკ იოლმა 3 დეკემბერს ყველასთვის მოულოდნელად საომარი მდგომარეობა გამოაცხადა და შეიარაღებულ ძალებს პარლამენტის ბლოკირების განკარგულება მისცა.

საპასუხოდ, პარლამენტში უმრავლესობაში მყოფმა ოპოზიციურმა ძალამ პრეზიდენტს იმპიჩმენტი გამოუცხადა და უფლებამოსილება შეუჩერა.

იუნ სუკ იოლის წინააღმდეგ სისხლის სამართლის საქმე აღიძრა და ექსპრეზიდენტი დააკავეს. იმპიჩმენტის გამოცხადების კონსტიტუციურობა საკონსტიტუციო სასამართლოს უნდა დაედგინა, რომელმაც გუშინ ამ გადაწყვეტილებას მხარი დაუჭირა.

აშშ-ის პრეზიდენტმა, დონალდ ტრამპმა განაცხადა, რომ ქვეყნის თავდაცვის ბიუჯეტის რეკორდულ 1 ტრილიონ დოლარამდე გაიზრდება.

„ჩვენ დავამტკიცეთ ბიუჯეტი, რომლის მოცულობაც 1 ტრილიონი დოლარია. მანამდე ასეთი რამ არავის უნახავს“, - თქვა ტრამპმა.

მისი თქმით, აშშ ყურადღებით ეპყრობა ხარჯებს, მაგრამ შეიარაღებული ძალები არის ის, რისი აშენებაც საჭიროა.

ტრამპის ამ განცხადებას აშშ-ის თავდაცვის მდივანი, პიტ ჰეგსეტი გამოეხმაურა და მადლობა გადაუხადა. „პრეზიდენტი დონალდ ტრამპი ჩვენ შეიარაღებულ ძალებს აღადგენს - და სწრაფად“, - დაწერა ჰეგსეტმა სოციალურ ქსელ X-ში.

ცნობისთვის, დღეის მდგომარეობით აშშ-ის თავდაცვის ბიუჯეტი 850 მილიარდი დოლარია.

დონალდ ტრამპი რუსეთს აკრიტიკებს. განცხადება შტატების არჩეულემა პრეზიდენტმა ისარაელის პრემიერთან შეხვედრის დროს გააკეთა.

"ჩვენ ვხვდებით რუსეთის  და უკრაინის წარმომადგენლებს. გარკვეულწილად, ახლოს ვართ, მაგრამ დაბომბვები, რაც ბოლო კვირაში ხდება, არ მახარებს. არ ვარ კმაყოფილი იმით, რაც ხდება, -  განაცხადა ტრამპმა. 

რუსულ მედიასთან კი კრემლის წარმომადგენელი პესკოვი აცხადებს, რომ ცეცხლის შეწყვეტამდე უკრაინამ რიგ კითხვებს უნდა უპასუხოს.  

"პრეზიდენტი პუტინი ნამდვილად ცეცხლის შეწყვეტის მომხრეა, მაგრამ მანამდე უკრაინამ რიგ კითხვებს უნდა გასცეს პასუხი. ეს კითხვები ჯერჯერობით ისევ ჰაერშია და პასუხგაუცემელია, - განაცხადა პესკოვმა. 

რუსეთის ხელისუფლება აპირებს, „საბრძოლო მოქმედებების ვეტერანის“ სტატუსი მიანიჭოს მღვდლებს, რომლებიც უკრაინის წინააღმდეგ ომში ჩართულ სამხედრო ნაწილებში იმყოფებიან.

რუსეთის სახელმწიფო სააგენტო „ტასის“ ცნობით, შესაბამისი კანონპროექტი დუმას დღეს, 7 აპრილს, წარედგინა. ინიციატორია დუმის დეპუტატთა ჯგუფი, რომელსაც სახელმწიფოს მშენებლობისა და კანონმდებლობის კომიტეტის თავმჯდომარე პაველ კრაშენინიკოვი ხელმძღვანელობს.

კანონპროექტის თანახმად, „საბრძოლო მოქმედებების ვეტერანის“ სტატუსი უნდა ჰქონდეთ იმ სასულიერო პირებს, რომლებიც „თავის სულიერ ვალს იხდიან სპეციალურ სამხედრო ოპერაციაში მონაწილე სამხედრო ნაწილებში“.

რუსეთი „სპეციალურ სამხედრო ოპერაციას“ უწოდებს უკრაინის წინააღმდეგ 2022 წლის თებერვლიდან დაწყებულ ფართომასშტაბიან ომს.