Featured Articles

ამ კვირაში არჩეულმა რომის ახალმა პაპმა ლეო XIV-მ ვატიკანში, წმინდა პეტრეს მოედანზე შეკრებილებს საკვირაო მესის შემდეგ პირველად მიმართა.

კათოლიკური ეკლესიის ხელმძღვანელმა მოედანზე შეკრებილები დალოცა, მათ წინაშე სიტყვით წადგა და მსოფლიო ლიდერებს მოუწოდა „აღაო იომონ“.

„არა ომს“, - განაცხადა პაპმა. მან მხარეებს უკრაინაში „ჭეშმარიტი, სამართლიანი და მყარი მშვიდობის“ დასამყარებლად მოლაპარაკებებისკენ მოუწოდა და ასევე აღნიშნა, რომ ღრმად დამწუხრებულია ღაზაში მიმდინარე ომის გამო. ლეო XIV-მ ისრაელსა და „ჰამასს“ ცეცხლის დაუყოვნებლივი შეწყვეტისკენ, მძევლების გათავისუფლებისკენ და ღაზის მცხოვრებლებისთვის ჰუმანიტარული დახმარების გაწევისკენ მოუწოდა.

პონტიფექსმა დასძინა, რომ სიხარულით შეხვდა ინდოეთსა და პაკისტანს შორის ცეცხლის შეწყვეტის შესახებ შეთანხმების მიღწევას და იმედი გამოთქვა, რომ მოლაპარაკებები ამ ქვეყნებს შორის ახალ, უფრო მყარ შეთანხმებას ჩაუყრის საფუძველს.

საფრანგეთის პრეზიდენტმა ემანუელ მაკრონმა ვლადიმირ პუტინის შეთავაზება უკრაინასთან პირდაპირი მოლაპარაკებების აღდგენის შესახებ „პირველი, თუმცა არასაკმარისი ნაბიჯი“ უწოდა.

„ცეცხლის უპირობო შეწყვეტას წინ მოლაპარაკებების არ უნდა უძღოდეს. პუტინი გამოსავალს ეძებს, მაგრამ დროის მოგება უნდა“, - განუცხადა მაკრონმა ჟურნალისტებს.

რუსეთის პრეზიდენტმა ვლადიმერ პუტინმა უკრაინას პირდაპირი მოლაპარაკებების განახლება შესთავაზა. მანამდე კი უკრაინის დედაქალაქში გამართული „მსურველთა კოალიციის“ შეხვედრის მონაწილეებმა კი ერთობლივი განცხადება მიიღეს და რუსეთს 30 დღით ცეცხლის უპირობო შეწყვეტისკენ მოუწოდეს.

აშშ-ის პრეზიდენტმა დონალდ ტრამპმა გასული დღის შედეგები შეაჯამა და მას რუსეთისა და უკრაინისთვის „პოტენციურად დიდი დღე“ უწოდა. შესაბამისი განცხადება მან საკუთარ სოციალურ ქსელში Truth Social გამოაქვეყნა.

„პოტენციურად დიდი დღე რუსეთისა და უკრაინისთვის. წარმოიდგინეთ ასობით ათასი გადარჩენილი სიცოცხლე, როდესაც ეს უსასრულო სისხლისღვრა იმედია დასრულდება. ეს იქნება სრულიად ახალი და გაცილებით უკეთესი სამყარო. ორივე მხარესთან გავაგრძელებ მუშაობას, რათა დავრწმუნდე, რომ ეს მოხდება. ამერიკას სურს ამის ნაცვლად აღმშენებლობასა და ვაჭრობაზე იყოს ფოკუსირებული. დიდი კვირა გველის“, - დაწერა ტრამპმა.

რუსეთის პრეზიდენტმა ვლადიმერ პუტინმა უკრაინას მომავალ კვირას პირდაპირი მოლაპარაკებების განახლება შესთავაზა. შესაბამისი განცხადება მან სატელევიზიო მიმართვაში გააკეთა.

პუტინის შეთავაზების მიხედვით, მოლაპარაკებები 15 მაისს, სტამბოლში უნდა გაიმართოს, როგორც ადრე. მან ასევე აღნიშნა, რომ დეტალებზე კვირას თურქეთის პრეზიდენტ რეჯეფ თაიფ ერდოღანს გაესაუბრება. მისივე თქმით, რუსეთი უკრაინასთან სერიოზული მოლაპარაკებებისთვის არის მზად.

„ამ მოლაპარაკებების აზრი კონფლიქტის პირველადი მიზეზების აღმოფხვრა, ხანგრძლივი, მყარი ზავის დადებასა და ისტორიულ პერსპექტივაზე გასვლაშია. არ გამოვრიცხავთ, რომ ამ მოლაპარაკებების დროს ახალ ზავზე, ცეცხლის ახალ შეწყვეტასა და რეალურ ზავზე შევძლებთ შეთანხმებას“, - განაცხადა პუტინმა.

კიევის პუტინის შეთავაზებაზე პასუხი ჯერ არ გაუცია, თუმცა შაბათს, უკრაინის დედაქალაქში გამართული „მსურველთა კოალიციის“ შეხვედრის მონაწილეებმა ერთობლივი განცხადება მიიღეს და რუსეთს 30 დღით ცეცხლის უპირობო შეწყვეტისკენ მოუწოდეს.