Featured Articles

აშშ-ის პრეზიდენტმა, დონალდ ტრამპმა ალკატრასის ციხის ხელახლა გახსნის ბრძანება გასცა. ტრამპმა გასცა დაპირება, რომ მისი ადმინისტრაცია დაასრულებს ვითარებას, როდესაც მძიმე დანაშაულის განმეორებით ჩამდენი პირები სათანადო სასჯელის გარეშე რჩებიან.

„ჩვენ აღარ შევეგუებით ამ სერიულ დამნაშავეებს, რომლებიც ჩვენს ქუჩებში სიბინძურეს, სისხლისღვრასა და ქაოსს ავრცელებენ. სწორედ ამიტომ, დღეს ვავალებ ციხეების ბიუროს, იუსტიციის სამინისტროსთან, FBI-სთან და შინაგანი უსაფრთხოების სამინისტროსთან ერთად, გახსნან სრულად განახლებული და მნიშვნელოვნად გაფართოებული ალკატრასი, რათა იქ ამერიკის ყველაზე სასტიკი და საშიში დამნაშავეები განათავსონ. ალკატრასის კვლავ გახსნა გახდება კანონის, წესრიგისა და სამართლიანობის სიმბოლო. ჩვენ ამერიკას კვლავ დიდებულს გავხდით“, – წერს დონალდ ტრამპი სოციალურ ქსელში.

ალკატრასის ციხე ფუნქციონირებდა 1934-დან 1963 წლამდე და ითვლებოდა აშშ-ის ერთ-ერთ ყველაზე მკაცრ და დაცულ სასჯელაღსრულების დაწესებულებად. იქ იყვნენ განთავსებული ქვეყნის ყველაზე საშიში დამნაშავეები, მათ შორის, ალ კაპონე. შენახვის მაღალი ხარჯებისა და ეკოლოგიური პრობლემების გამო ციხე დაიხურა.

აშშ-ის პრეზიდენტის დონალდ ტრამპის თქმით, რესპუბლიკელებმა კონგრესიდან იმ დემოკრატების გარიცხვაზე უნდა იფიქრონ, რომლებმაც მისი იმპიჩმენტის წინადადებები წარადგინეს. თეთრი სახლის ლიდერი იმპიჩმენტის ინიციატორებს ქვეყნის სიძულვილში ადანაშაულებს.

„მათ ყველაფერი დაკარგეს, განსაკუთრებით გონება. ეს რადიკალურად მემარცხენე გიჟები კვლავ იმპიჩმენტით არიან დაკავებულნი. მათ უკვე ჰყავთ ორი „უსახელო“, ნაკლებად პატივცემული კონგრესმენი, ორი სრული ფსიქოპათი, რომლებმაც დონალდ ტრამპის წინააღმდეგ „იმპიჩმენტის“ წინადადება უკვე მეოცედ წარადგინეს. რესპუბლიკელებმა უნდა დაიწყონ ფიქრი კონგრესიდან მათ გარიცხვაზე ყველა იმ დანაშაულია გამო, რომლებიც მათ ჩაიდინეს, განსაკუთრებით არჩევნების დროს.

რატომ ვაძლევთ მათ უფლებას, განუწყვეტლივ გამოიყენონ იმპიჩმენტი, როგორც იარაღი აშშ-ის პრეზიდენტის წინააღმდეგ, რომელიც ჩვენი ქვეყნის გადასარჩენად ბევრს შრომობს? ეს იგივე სცენარია, რომელიც მათ ჩემი პირველი ვადის დროს გამოიყენეს. რესპუბლიკელები არ მისცემენ მათ საშუალებას, კვლავ თავი აარიდონ სასჯელს. ისინი არაკეთილსინდისიერი ადამიანები არიან, რომლებსაც ჩვენი ქვეყანა სძულთ. შესაძლოა, ჩვენც უნდა დავიწყოთ ამ თამაშის თამაში მათთან და გავრიცხოთ დემოკრატები მრავალრიცხოვანი დანაშაულებისთვის, რომლებიც მათ ჩაიდინეს“, - განაცხადა ტრამპმა.

რუსულმა ძალებმა ხარკოვს დრონებით შეუტიეს, დაშავებულია 47 ადამიანი, მათ შორის 11 წლის ბავშვი. ინფორმაციას უკრაინული მედია ავრცელებს.

ადგილობრივი ხელისუფლების ცნობით, კლინიკებში 8 დაშავებული რჩება, რომელთა მდგომარეობა საშუალო სიმძიმისაა. შეტევის შედეგად ქალაქის ოთხ რაიონში დაზიანდა საცხოვრებელი სახლები, სამოქალაქო ინფრასტრუქტურა, ავტომობილები.

ქალაქში გრძელდება შეტევის შედეგების სალიკვიდაციო სამუშაოები და ვარაუდობენ, რომ დაშავებულთა რაოდენობა გაიზრდება.