"უფლებათა დაცვის საერთაშორისო ცენტრი" პატრიარქის გარდაცვალების დღის 17 მარტის უქმედ გამოცხადების ინიციატივით გამოდის

ორგანიზაცია "უფლებათა დაცვის საერთაშორისო ცენტრი" (ICFRP) პატრიარქის გარდაცვალების დღის 17 მარტის უქმე დღედ გამოცხადების ინიციატივით გამოდის. ორგანიზაციამ შესაბამისი წერილით პარლამენტის თავმჯდომარე შალვა პაპუაშვილს, ასევე პრემიერ ირაკლი კობახიძეს და პრეზიდენტ მიხეილ ყაველაშვილს მიმართა.

წერილში აღნიშნულია, რომ 17 მარტს (პატრიარქის გარდაცვალების დღეს) დაწესდეს საქართველოს უწმინდესის და უნეტარესის, სრულიად საქართველოს კათალიკოს-პატრიარქის, მცხეთა-თბილისის მთავარ ეპისკოპოსის, ბიჭვინთისა და ცხუმ-აფხაზეთის მიტროპოლიტის ილია II-ს - ხსენების დღე.

"საქართველოს სულიერმა მამამ, მისმა უწმინდესობამ უფლისა და ჩვენი სამშობლოს და ადამიანისადმი მსახურებით დაიმკვიდრა მარადიული მსოფლიო ისტორიის უდიდეს მოღვაწეთა შორის.

საკითხის საზოგადოებრივი მნიშვნელობიდან გამომდინარე, გთხოვთ წარმოდგენილი საკანონმდებლო ინიციატივა განიხილოთ და მიიღოთ დაჩქარებული წესით”, - აღნიშნულია ICFRP-ის წერილში, რომელსაც ხელს მისი აღმასრულებელი დირექტორი სერგო მახარაძე აწერს ხელს.

აღსანიშნავია, რომ ორგანიზაცია ICFRP-ის პარლამენტისთვის ამ დრომდეც მიუმართავსარაერთი საკანონმდებლო წინადადებით, მათ შორის იყო გასული წლის აპრილში მინიმალურიხელფასის ზრდასთან დაკავშირებით ინიციატივა, ასევე 2024 წელს, ინიციატივა საგადასახადოკოდექსში ცვლილების შესახებ, რომელიც საშემოსავლო გადასახადისგან იმ სტუდენტებისგათავისუფლებას ითვალისწინებდა, რომელთა შემოსავალი წელიწადში 6000 ლარს არაღემატება.