სამეგრელოში ავარიის შედეგად დაშავებული ქალი ორი დღის შემდეგ კლინიკაში გარდაიცვალა. ამის შესახებ ინფორმაციას "მთავარი ამბები" ავრცელებს და წერს, რომ ავტომობილში, სავარაუდოდ, ოჯახის წევრები იმყოფებოდნენ.
მათივე ცნობით, ჩხორია-ლიის საავტომობილო გზაზე ორი დღის წინ მომხდარი ავარიის შედეგად 4 ადამიანი დაშავდა. გამოცემა წერს, რომ გარდაცვლილის ცხედარს უახლოეს საათებში ოკუპირებულ აფხაზეთში გადაასვენებენ. არსებული ინფორმაციით, საქმეზე ერთი პირია დაკავებული. შინაგან საქმეთა სამინისტრომ გამოძიება საქართველოს სისხლის სამართლის კოდექსის 276-ე მუხლით დაიწყო.
