ე.მეტრეველის ქუჩაზე რეკრეაციული სივრცე ეწყობა

სამგორის რაიონში, ელენე მეტრეველის ქუჩაზე, 415 კვ.მ ფართობზე რეკრეაციული სივრცე ეწყობა. 

პროექტის ფარგლებში, მიმდინარეობს მოსასვენებელი სივრცისა  და საფეხმავლო ბილიკების მოწყობა, ასევე, მონტაჟდება გარე განათება. ტერიტორია გამწვანდება ხე-მცენარეებით და აღიჭურვება საჭირო ინვენტარით.  

გარდა ამისა, ეწყობა გრუნტის დამჭერი კედელი და დამცავი ჯებირი.

აღნიშნული პროექტისთვის ადგილობრივი ბიუჯეტიდან 116 700 ლარი გამოიყო. 

მიმდინარე სამუშაოებს სამგორის რაიონის გამგებელი კახა სამხარაძე ადგილზე გაეცნო.