სამგორის რაიონში მორიგი მნიშვნელოვანი ინფრასტრუქტურული პროექტი ხორციელდება.
აფრიკის დასახლებაში, ბესარიონ ჭიჭინაძის ქუჩაზე, N7 კორპუსის მიმდებარედ, კიდევ ერთი რეკრეაციული სივრცე ეწყობა.
სამუშაოები 2 800 კვ.მ ფართობზე ხორციელდება. ამ ეტაპზე, მიმდინარეობს განათების სისტემისა და ატრაქციონების სამონტაჟო სამუშაოები. პროექტის ფარგლებში, გათვალისწინებულია საფეხმავლო ბილიკების, მოსასვენებელი სივრცეებისა და პავილიონის მოწყობა;
პროექტი ასევე მოიცავს ბავშვთა გასართობ და სპორტულ ზონას; მოეწყობა განათებისა და სარწყავი სისტემები; ტერიტორია აღიჭურვება შესაბამისი ინვენტარით და გამწვანდება ხე-მცენარეებით.
პროექტისათვის სამგორის რაიონის გამგეობის ბიუჯეტიდან 474 000 ლარი გამოიყო.
მიმდინარე სამუშაოებს სამგორის რაიონის გამგებელი კახა სამხარაძე მოადგილე ზურაბ თამლიანთან ერთად გაეცნო.
No article in the selected categories