საქსტატმა 2026 წლის მარტის და პირველი კვარტალის საგარეო ვაჭრობის ექსპრეს მონაცემები გამოაქვეყნა, რომლის მიხედვითაც მარტში ექსპორტი წინა წლის ანალოგიურ პერიოდთან შედარებით 135 მილიონი დოლარით (24%-ით) 697 მილიონ დოლარამდე გაიზარდა.
რაც შეეხება იმპორტს, ის 67 მილიონი დოლარით, ანუ 4%-ით, 1.59 მილიარდ დოლარამდე გაიზარდა.
პირველ კვარტალში კი ჯამურად საქართველოს ექსპორტი 1.72 მილიარდ დოლარს შეადგენდა (ზრდა წინა წელთან 23%), იმპორტი კი 4.13 მილიარდი დოლარი იყო (შემცირება წინა წელთან 7%).
საქსტატი საგარეო ვაჭრობის დეტალურ მონაცემებს 20 აპრილს გამოაქვეყნებს, შესაბამისად გაირკვევა რომელი საქონლის იმპორტი და ექსპორტი გაიზარდა გასული თვის განმავლობაში.