მტკვრის მარცხენა სანაპიროზე საავტომობილო მოძრაობა ნაწილობრივ შეიზღუდება

მტკვრის მარცხენა სანაპიროზე, მიწისქვეშა კომუნიკაციების რეაბილიტაციის მიზნით, საავტომობილო მოძრაობა ერთი დღით ნაწილობრივ შეიზღუდება.

ამის შესახებ განცხადებას თბილისის მერია ავრცელებს.

„მიმდინარე წლის 5 აგვისტოს 14:00 საათიდან დღის ბოლომდე, მტკვრის მარცხენა სანაპიროზე – დიმიტრი უზნაძის ქუჩის მიმდებარე ტერიტორიიდან გალაკტიონის  ხიდის მიმართულებით, საავტომობილო მოძრაობა ნაწილობრივ შეიზღუდება“, – აღნიშნულია თბილისის მერიის განცხადებაში.