საქართველოში ევროკავშირის წარმომადგენლობა გერმანიის ელჩს სოლიდარობას უცხადებს.
X-ზე გავრცელებული განცხადების თანახმად, ევროკავშირი უარყოფს და გმობს დეზინფორმაციას და უსაფუძვლო ბრალდებებს ევროკავშირისა და მისი წევრი სახელმწიფოების როლისა და საქმიანობის შესახებ საქართველოში.
"ჩვენი სოლიდარობა გერმანიის ელჩს. როგორც ევროკავშირის უმაღლესი წარმომადგენლის/ევროკომისიის ვიცე-პრეზიდენტის პრესსპიკერმა განაცხადა, ევროკავშირი უარყოფს და გმობს დეზინფორმაციას და უსაფუძვლო ბრალდებებს ევროკავშირისა და მისი წევრი სახელმწიფოების როლისა და საქმიანობის შესახებ საქართველოში",- აღნიშნულია EU-ის წარმომადგენლობის მიერ გავრცელებულ ინფორმაციაში.