ვინ იქნება დედაქალაქის მთავრობის ახალ შემადგენლობაში?

თბილისის საკრებულომ მუნიციპალიტეტის ახალი მთავრობა დაამტკიცა. საკრებულოს სხდომაზე დედაქალაქის მერის მოადგილეების, სამსახურის ხელმძღვანელებისა და გამგებლების კანდიდატურებს დაუჭირეს მხარი.

დედაქალაქის მთავრობის განახლებულ შემადგენლობაზე ინფორმაციას თბილისის მერიის პრესსამსახური ავრცელებს:

დედაქალაქის საკრებულოს გადაწყვეტილებით, თბილისის ვიცე-მერი კვლავ გიორგი ტყემალაძე იქნება, ხოლო დედაქალაქის მერის მოადგილეების თანამდებობას ირაკლი ბენდელიანი, ანდრია ბასილაია და კახა აბულაძე დაიკავებენ.

თბილისის მერიის ადმინისტრაციის უფროსი - ვლადიმერ ჭიღლაძე იქნება; გარემოს დაცვის საქალაქო სამსახურის უფროსი - პაატა ტოგონიძე; ეკონომიკური განვითარების საქალაქო სამსახურის უფროსი - ვახტანგ ლომჯარია; თბილისის მუნიციპალური ინსპექციის უფროსი - გოგი ჩიქოვანი; ინფრასტრუქტურის განვითარების საქალაქო სამსახურის უფროსი - გიორგი აბუთიძე; იურიდიული საქალაქო სამსახურის უფროსი - სერგო ბირკაძე; კულტურის, განათლების, სპორტისა და ახალგაზრდულ საქმეთა საქალაქო სამსახურის უფროსი - ირაკლი გვილავა; საფინანსო საქალაქო სამსახურის უფროსი - გაიოზ თალაკვაძე; მუნიციპალური შესყიდვების საქალაქო სამსახურის უფროსი - დავით მალანია; ჯანდაცვისა და სოციალური მომსახურების საქალაქო სამსახურის უფროსი - გელა ჩივიაშვილი; უსაფრთხოების საქალაქო სამსახურის უფროსი - ნიკოლოზ ჭონქაძე.

რაც შეეხება თბილისის რაიონების გამგებლებს, ჩუღურეთის რაიონს დავით მაქაცარია, დიდუბის რაიონს - დავით გელოვანი, გლდანის რაიონს - ბესიკ კალაძე, ვაკის რაიონს -ლევან ყიფიანი, ხოლო ისნის რაიონს აკაკი ხლაბუსტოვი უხელმძღვანელებს. კრწანისის რაიონის გამგებელი ლაშა ცაგურია, მთაწმინდის - დავით კირკიტაძე, ნაძალადევის - ირაკლი ანდღულაძე, საბურთალოს - გაიოზ ვასაძე, სამგორის რაიონის გამგებელი კი, კახა სამხარაძე იქნება.