ულან-უდეში პოლიციამ ოთხი წლის ბიჭის ცხედარი საკუთარ სახლში, სარეცხ მანქანაში იპოვა. ბავშვი წინა დღით გაუჩინარდა.

მცირეწლოვნის მკვლელობაში შესაძლოა ბავშვის ოჯახი იყოს ეჭვმიტანილი. ამის შესახებ  მედიას ბურიატიის რესპუბლიკის საგამოძიებო კომიტეტში განუცხადეს.

გარდაცვლილი ბავშვის ოჯახის წევრები მკვლელობასთან კავშირს გამორიცხავენ, მათი თქმით, ბავშვი სასეირნოდ წავიდა, მაგრამ არ დაბრუნებულა. ბავშვის ცხედარი სახლის საფუძვლიანი დათვალიერების შემდეგ იპოვეს და ახლა ექსპერტებმა მისი გარდაცვალების ზუსტი მიზეზი უნდა გაარკვიონ. აღძრულია სისხლის სამართლის საქმე.

ავსტრალია უკრაინას 100 მილიონი დოლარის სამხედრო დახმარების ახალ პაკეტს გამოყოფს, - ამის შესახებ უკრაინის პრემიერ-მინისტრმა, დენის შმიგალმა ლვოვში, ავსტრალიის თავდაცვის მინისტრ რიჩარდ მარლსთან ერთობლივ პრესკონფერენციაზე განაცხადა.

„ავსტრალია უკრაინისთვის 100 მილიონი დოლარის ახალ დახმარებას ამზადებს. ამ თანხის ნახევარი გადასატანი საზენიტო-სარაკეტო სისტემის დიდი პარტიისთვის გამოიყოფა, 30 მილიონ დოლარზე მეტია დრონებისთვის, „დრონების კოალიციის“ ფარგლებში, დანარჩენი კი სხვა სამხედრო საჭიროებებისთვის“, - აღნიშნა შმიგალმა.

გარდა ამისა, მისი თქმით, ავსტრალია უკრაინას ჰაერი-მიწის კლასის საბრძოლო მასალის გადასცემს.

უკრაინის პრემიერის განმარტებით, საერთო ჯამში, ავსტრალიამ უკრაინას დღემდე 655 მილიონ დოლარზე მეტი ღირებულების დახმარება გამოუყო, საიდანაც 540 მილიონი სამხედრო დახმარებაა.

თავის მხრივ, ავსტრალიის თავდაცვის მინისტრმა პრესკონფერენციაზე განმარტა, რომ ახალი, 100 მილიონი დოლარის პაკეტიდან 50 მილიონი დოლარი მცირე მანძილზე მოქმედ საჰაერო თავდაცვის სისტემებზე დაიხარჯება, 30 მილიონი უკრაინელი სამხედროებისთვის დრონების შესაძენად და 15 მილიონი - აღჭურვილობისთვის, მათ შორის ჩაფხუტებისთვის, გასაბერი ნავებისთვის, ელექტრო გენერატორებისთვის.

შეგახსენებთ, რიჩარდ მარლსი უკრაინას გუშინ ეწვია.

სრულმასშტაბიანი ომი ჩრდილოეთ ისრაელის მოსახლეობის საკუთარ სახლებში დაბრუნებას არ გამოიწვევს, - ამის შესახებ განცხადებას „ჰეზბოლას“ გენერალური მდივნის მოადგილე, ნაიმ ყასემი ავრცელებს:

„გალანტი გვემუქრება, რომ თუ ჩვენ თავდასხმებს არ შევწყვეტთ, ის ლიბანს თავს დაესხმება, რათა ჩრდილოეთის მოსახლეობა თავიანთ სახლებში დააბრუნონ.

მე გალანტს ვეტყვი, რომ ეს ომი არა მხოლოდ ხელს შეუშლის სიონისტების თავიანთ სახლებში დაბრუნებას, არამედ, ჩრდილოეთ ოკუპირებულ ტერიტორიებზე მათ ყოფნას ერთხელ და სამუდამოდ დაასრულებს“

სა­ქარ­თვე­ლო ევ­რო­პულ იდე­ებს შორ­დე­ბა, ამა­ზე უნდა მო­ვახ­დი­ნოთ რე­ა­გი­რე­ბა. ამის შე­სა­ხებ ლი­ე­ტუ­ვის პრე­ზი­დენ­ტმა გი­ტა­ნას ნა­უ­სე­დამ პო­ლო­ნელ კო­ლე­გა, ან­ჯეი დუ­დას­თან გა­მარ­თულ ერ­თობ­ლივ ბრი­ფინგზე გა­ნა­ცხა­და.

"სამ­წუ­ხა­როდ, მოვ­ლე­ნე­ბი, და­გეგ­მი­ლი სა­კა­ნონ­მდებ­ლო ცვლი­ლე­ბე­ბი, ნათ­ლად აჩ­ვე­ნე­ბენ, რომ ჩვე­ნი ახლო ქვე­ყა­ნა, სა­ქარ­თვე­ლო, კი არ უახ­ლოვ­დე­ბა, არა­მედ, პი­რი­ქით, შორ­დე­ბა ევ­რო­პულ იდე­ებს… ეს ნამ­დვი­ლად უქ­მნის წი­ნა­ღო­ბებს ევ­რო­პუ­ლი ინ­ტეგ­რა­ცი­ის გზის მშვი­დად გაგ­რძე­ლე­ბას. ამი­ტომ ამა­ზე უნდა მო­ვახ­დი­ნოთ რე­ა­გი­რე­ბა“, - გა­ნა­ცხა­და ნა­უ­სე­დამ.

თურქეთის პრეზიდენტმა, რეჯეფ თაიფ ერდოღანმა თეთრ სახლში ჯო ბაიდენთან დაგეგმილი შეხვედრა გადადო. ინფორმაციას ამის შესახებ სააგენტო „როიტერი“ საკუთარ წყაროებზე დაყრდნობით ავრცელებს. მედიასაშუალების ცნობით, ვიზიტი 9 მაისს იგეგმებოდა, თუმცა თეთრი სახლი ამას არ ადასტურებს.

„ჩვენ მოუთმენლად ველოდებით თეთრ სახლში პრეზიდენტ ერდოღანის მასპინძლობას ორმხრივად ხელსაყრელ დროს, თუმცა ჯერ ვერ შევძელით განრიგების შეთანხმება და მოცემულ მომენტში გამოსაცხადებელი ვიზიტი არ გვაქვს“, – განაცხადეს თეთრ სახლში.

როგორც „როიტერს“ თურქმა მაღალჩინოსანმა ანონიმურად განუცხადა, მალე დაადგენენ ვიზიტის ახალ თარიღს. ამასთან, უცნობია, რა გახდა შეხვედრის გადადების მიზეზი.

ეს პრეზიდენტ ერდოღანის ვაშინგტონში პირველი ვიზიტი იქნება 2019 წლის შემდეგ.

რუსი სამხედროების მიერ გაუპატიურებული უკრაინელი ქალები და კაცები მორალური და ფიზიკური ზიანისთვის კომპენსაციას მიიღებენ. ამის შესახებ უკრაინის პირველმა ლედიმ ოლენა ზელენსკამ ისაუბრა. მისი თქმით, პირველი კომპენსაციები უახლოეს კვირებში გაიცემა.

კიევში საერთაშორისო კონფერენციაზე გამოსვლის დროს, რომელიც ომში სექსუალური ძალადობის პრობლემას ეხებოდა, ზელენსკამ კომპენსაციის გაცემას არა მხოლოდ მსხვერპლების ეკონომიკური მხარდაჭერა, არამედ სამართლიანობის აღდგენისკენ გადადგმული ნაბიჯი უწოდა. მან აღნიშნა, რომ ძალადობის მსხვერპლები ვერ დაელოდებიან, სანამ კონფლიქტი დასრულდება ან სანამ რუსეთი რეპარაციების გადახდას დაიწყებს - მათ დახმარება დღესვე სჭირდებათ.

"ვერ გავაქრობთ იმ ტკივილს, რომელიც აგრესორმა უკვე გამოიწვია, მაგრამ შეგვიძლია, გავხდეთ ტკივილგამაყუჩებელი. შეგვიძლია ვაჩვენოთ, რომ მსოფლიოში ყველა არაა მოძალადე და მკვლელი, რომ არსებობს დახმარება, მხარდაჭერა და სამართლიანობა", - თქვა მან.

უკრაინის ვიცე-პრემიერმა ოლგა სტეფანიშინამ კომპენსაციის პროექტი წარადგინა. მისი თქმით, თითოეული დაზარალებულის საქმე ინდივიდუალურად შეფასდება. საპილოტე პროექტის ფარგლებში, ძალადობის 500-მდე მსხვერპლს ერთჯერადი კომპენსაციის მიღება მიმდინარე წლის ოქტომბრის ბოლომდე შეუძლია.

უკრაინის მუდმივმა წარმომადგენელმა გაეროში, სერგეი კისლიცამ განაცხადა, რომ რუსული ჯარები ფართოდ და სისტემატურად იყენებენ სექსუალურ ძალადობას, როგორც ომისა და წამების იარაღს. ომის დროს ძალადობას განიცდიან ქალები, კაცები, ბავშვები და მოხუცები. კისლიცას თქმით, უკრაინის საგამოძიებო ორგანოების მიერ დაფიქსირებულია სექსუალური ძალადობის 290 შემთხვევა, რეალური რიცხვი კი შეიძლება გაცილებით დიდი იყოს.

=ვენეციაში ერთდღიანი ტურისტებისთვის გადასახადის შემოღების გადაწყვეტილებას მოწინააღმდეგეები გამოუჩნდნენ. საპროტესტო აქციაზე გამოსულ პირებს ხელში ეჭირათ ბანერები გადასახადის გაუქმების მოთხოვნით. საპროტესტო აქციებს მომიტინგეებსა და სპეცრაზმელებს შორის დაპირისპირებაც მოჰყვა.

ვენეციის მერი ლუიჯი ბრუნარო მიმდინარე მოვლენებს სოციალურ ქსელ X-ის საშუალებით გამოეხმაურა.

„ოვერტურიზმი მხოლოდ ვენეციის პრობლემა არ არის. მიღებული ზომების მიზანი ქალაქში ცხოვრების ხარისხის გაუმჯობესებაა, რათა ის უფრო სუფთა და უსაფრთხო გავხადოთ, უზრუნველვყოთ ჩვენი მოქალაქეებისა და ვიზიტორების სიმშვიდე“, – წერს ბრუნარო სოციალურ ქსელში.

ქალაქის მცხოვრებლების განცხადებით, ვენეცია სუვენირების საგამოფენო პარკადაა ქცეული, ტურისტთა დიდი რაოდენობის გამო კი პროდუქტებსა და სერვისებზე ფასები მუდმივად იზრდება.

ვენეცია მსოფლიოში პირველი ქალაქი გახდა, რომელმაც ტურისტებისთვის ქალაქში შესვლაზე გადასახადი დააწესა. საპილოტე პროგრამის ფარგლებში ქალაქში შესვლის საფასური 5 ევრო იქნება. განკარგულება ძალაში დღეს, 25 აპრილს, იტალიის ეროვნულ დღესასწაულზე შევიდა.

ბაღდადში ერაყელი TikTok-ვარსკვლავი ომ ფაჰადი მოკლეს. ამის შესახებ ადგილობრივ მედიაზე დაყრდნობით BBC იტყობინება.

ერაყის შსს-ს ინფორმაციით, „სოციალურ მედიაში ცნობილი ადამიანი უცნობმა თავდამსხმელებმა მოკლეს“. მომხდართან დაკავშირებით დაწყებულია გამოძიება.

არსებული ინფორმაციით, ომ ფაჰადი (რეალური სახეილ ღუფრან სავადი) საკუთარ მანქანაში ჩაცხრილეს. პოლიციის ინფორმაციით, თავდამსხმელმა შემთხვევის ადგილი მოტოციკლით დატოვა.

ომ ფაჰადს TikTok-ზე პოპულარობა ცეკვის ვიდეოებმა მოუტანა. გასულ წელს მას „უზნეო ვიდეოების გამოქვეყნებისთვის“ ექვსთვიანი პატიმრობა მიუსაჯეს.

აშშ-ის პრეზიდენტმა, ჯო ბაიდენმა სოციალურ ქსელში დაწერა, რომ აშშ მიმდინარე კვირაში უკრაინისათვის იარაღის გაგზავნას დაიწყებს.

„მიმდინარე კვირაში ჩვენ გავაგზავნით იარაღსა და აღჭურვილობას უკრაინაში მაშინ, როდესაც ის იცავს თავს რუსული დაბომბვისგან“, - აღნიშნა ჯო ბაიდენმა

შვედეთში სქესის შეცვლა, 18 წლის ნაცვლად, უკვე 16 წლიდან იქნება შესაძლებელი. ქვეყნის პარლამენტმა შესაბამისი კანონი უკვე მიიღო, - ამის შესახებ Reuters-ი წერს.

ახალი კანონი 2025 წლიდან ამოქმედება. დოკუმენტის თანახმად, საკმარისი იქნება უფრო ხანმოკლე კონსულტაცია ექიმთან ან ფსიქოლოგთან და ასევე ნებართვის მიღება ჯანდაცვის ეროვნული ბორდისგან. ამასთან, ახალი კანონი განაცალკევებს კანონიერი სქესის შეცვლასა და სქესის შეცვლის სამედიცინო პროცედურას, რომელსაც კვლავ ხანგრძლივი შეფასება დასჭირდება.

შვედების 59% ამ წინადადებას ცუდს ან ძალიან ცუდს უწოდებს, ხოლო 22% მას დადებითად აფასებს.

შვედეთში სქესის შეცვლა 1972 წლიდან არის ნებადართული, თუმცა აქამდე საჭირო იყო გენდერული დისფორიის დიაგნოზის დასმა.

უკრაინის პრეზიდენტმა, ვოლოდიმირ ზელენსკიმ იმედი გამოთქვა, რომ აშშ-ში საპრეზიდენტო არჩევნების შედეგების მიუხედავად, უკრაინა გააგრძელებს თანამშრომლობას შეერთებულ შტატებთან.

ზელენსკიმ ყურადღება გაამახვილა ჟურნალისტის კითხვის ფორმულირებაზე, რომ ყველაფერი, რასაც დონალდ ტრამპი ამბობდა, არ იყო უკრაინის წინააღმდეგ და მხოლოდ ზოგიერთ ასპექტს ეჭვქვეშ აყენებდა.

„ამიტომ, იმედი მაქვს, რომ ის უკრაინის წინააღმდეგ არ იქნება. იმედი მაქვს. რა თქმა უნდა, რაღაცაზე, რაღაც დეტალებზე განსხვავებული შეხედულებებია. მაგრამ თუ ჩვენ გვაქვს საერთო შეხედულებები და საერთო ღირებულებები, მაშინ, რა თქმა უნდა, შეგვიძლია ვიმუშაოთ ტრამპთან“, - აღნიშნა უკრაინის პრეზიდენტმა.

„და, რა თქმა უნდა, ჩვენ ვიმუშავებთ შეერთებულ შტატებთან ნებისმიერ შემთხვევაში, რადგან ის არის ჩვენი სტრატეგიული პარტნიორი და ლიდერი მსოფლიოში“, - ხაზგასმით აღნიშნა ზელენსკიმ.

25 აპრილიდან ვენეციაში ერთი დღით ჩასულ ტურისტებს, რომელთა ასაკიც 14 წელს აღემატება, 5 ევროს გადახდა მოუწევთ. ამის შესახებ France24 წერს.

გამოცემის ინფორმაციით, 2024 წელს თანხის გადახდა ტურისტებს მხოლოდ 29 ყველაზე დატვირთული დღის განმავლობაში მოუწევთ - საუბარია უქმეებზე და მაისიდან ივლისის ჩათვლით დღესასწაულებზე. გადახდა ქალაქში შესვლისას უნდა განხორციელდეს. ბილეთის ყიდვა, რომელიც QR-კოდის სახით იქნება ხელმისაწვდომი, ადგილზე არის შესაძლებელი. ვენეციაში ბილეთის გარეშე შესვლისთვის ტურისტს ჯარიმის გადახდა მოუწევს, რომლის ოდენობაც 50-300 ევროა.

ვენეციის მთავრობა ამ ზომის შემოღებას ჯერ კიდევ სექტემბერში გეგმავდა. ასე მათ სურთ დაარწმუნონ ტურისტები, რომ ვენეციას ნაკლებად დატვირთულ დღეებში ესტუმრონ. ერთი წლის განმავლობაში ვენეციაში, რომლის მოსახლეობაც 50 ათასს შეადგენს, 3,2 მილიონი ტურისტი ჩადის.