მეტეოროლოგი, კობა ფარტენაძე განახლენულ პროგნოზს აქვეყნებს:

"მიმდინარე კვირაში ტემპერატურა წლის ამ პერიოდისთვის დამახასიათებელზე მაღალი იქნება.

ანტიციკლონის ანუ მაღალი წნევის მუდმივი არეალის წყალობით, არ არის გამორიცხული  ზაფხულის სტილის სითბოს ტალღები, რომელთაც შეუძლიათ ადვილად გადააჭარბონ 30°C-ს , განსაკუთრებით აფრიკული ანტიციკლონის მასიური წინსვლის შემთხვევაში.

ამიტომაც ეს კვირა იქნება ძირითადად მზიანი და ცალკეულ დღეებში ცხელი, განსაკუთრებულად მაღალი ტემპერატურა მოსალოდნელია ხუთშაბათს და პარასკევს.

კონკრეტულად ხუთშაბათს და პარასკევს -
სანაპირო კურორტებსა და დასავლეთ საქართველოში +34, +36 გრადუსამდე დაცხება.

აღმოსავლეთ საქართველოში კი +31, +33 გრადუსი დაფიქსირდება.

მოკლედ, ერთი და იგივე მონეტის ორი მხარე: სიცხის მატებასთან ერთად იზრდება მაღალ ტემპერატურასთან არსებული უარყოფითი შედეგებიც, ამიტომაც მოვერიდოთ  მზის პირდაპირ სხივებს შუადღის საათებში, მცენარეები კი უფრო ხშირად მოვრწყოთ...

აქვე გეტყვით იმასაც, რომ აპრილის ბოლოსთვის მსგავსი ამინდის პირობების ჩამოყალიბება არ არის იშვიათი.

გისურვებთ მშვიდ და ლამაზ დღეებს.

მეტეოროლოგი - კობა ფარტენაძე"

შინაგან საქმეთა სამინისტრო ღრმა მწუხარებას გამოთქვამს ობიექტების დაცვის დეპარტამენტის სამხედრო მოსამსახურის, 2005 წელს დაბადებული ლუკა ლატარიას გარდაცვალების გამო.
ლუკა ლატარია მიმდინარე წლის 22 აპრილს ფოთში მომხდარი ავტოსაგზაო შემთხვევის შედეგად გარდაიცვალა.
შინაგან საქმეთა სამინისტრო თანაუგრძნობს გარდაცვლილის ოჯახს, ახლობლებს და თანამშრომლებს.

ბათუმში ზღვაში ახალგაზრდა მამაკაცს ეძებენ. როგორც უწყებაში აღნიშნეს, ზღვაში პირის გაუჩინარების შესახებ შეტყობინება დღის მეორე ნახევარში შევიდა.

ადგილზე მაშველები არიან მობილიზებული და სამძებრო-სამაშველო სამუშაოები მიმდინარეობს.

სანაპიროსთან სამართალდამცავებიც იმყოფებიან.

23-25 აპრილს საქართველოში მოსალოდნელი ამინდის შესახებ გარემოს ეროვნული სააგენტო ინფორმაციას ავრცელებს.

☀️ 23-25 აპრილს დასავლეთ საქართველოში უნალექო ამინდია მოსალოდნელი. 25 აპრილს ცხელი და ქარიანი ამინდი იქნება. ჰაერის ტემპერატურამ შესაძლოა 38 გრადუსამდე მოიმატოს.

🌦 23-24 აპრილს აღმოსავლეთ საქართველოს ცალკეულ რაიონში სითბოს ფონზე შესაძლოა ხანმოკლე წვიმა ელჭექით და სეტყვა აღინიშნოს, 25 აპრილს კი უნალექო ამინდია მოსალოდნელი.

☀️ ქ. თბილისში უნალექო ამინდია მოსალოდნელი. ჰაერის ტემპერატურა დღისით +28, +30 გრადუსი დაფიქსირდება.

🌊 სანაპირო რაიონებში (ბათუმი, ქობულეთი, ანაკლია, ფოთი): მოსალოდნელია უნალექო ამინდი. 25 აპრილს ჰაერის ტემპერატურა დღისით +34, +36 გრადუსამდე მოიმატებს, ზოგან იქროლებს სამხრეთ-აღმოსავლეთის მიმართულების ძლიერი ქარი.

☀️ დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): მოსალოდნელია უნალექო ამინდი. 25 აპრილს ჰაერის ტემპერატურა დღისით +36, +38 გრადუსამდე მოიმატებს, ზოგან იქროლებს აღმოსავლეთის მიმართულების ძლიერი ქარი.

💨 დასავლეთ საქართველოს მთიან რეგიონებში (ამბროლაური, ონი, ცაგერი, შოვი, ჭიათურა, საჩხერე, ხულო): მოსალოდნელია უნალექო ამინდი. 25 აპრილს ჰაერის ტემპერატურა დღისით +34, +36 გრადუსამდე მოიმატებს, ზოგან იქროლებს აღმოსავლეთის მიმართულების ძლიერი ქარი.

☀️ დასავლეთ საქართველოს მაღალმთიან რეგიონებში (მესტია, ბახმარო): მოსალოდნელია თბილი და უნალექო ამინდი. ჰაერის ტემპერატურა დღისით +23, +28 გრადუსი იქნება.

⛈ ქართლში (რუსთავი, ბოლნისი, მარნეული, გარდაბანი, გორი, ცხინვალი): 23-24 აპრილს ზოგან შესაძლოა ხანმოკლე წვიმა ელჭექით და სეტყვა აღინიშნოს, 25 აპრილს კი უნალექო ამინდია მოსალოდნელი. ჰაერის ტემპერატურა დღისით +29, +31 გრადუსი დაფიქსირდება.

⛈ კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): 23-24 აპრილს ზოგან შესაძლოა ხანმოკლე წვიმა ელჭექით და სეტყვა აღინიშნოს, 25 აპრილს კი უნალექო ამინდია მოსალოდნელი. ჰაერის ტემპერატურა დღისით +30, +32 გრადუსი დაფიქსირდება.

⛈ აღმოსავლეთ საქართველოს მთიან რეგიონებში (ახალციხე, ბორჯომი, დუშეთი, თიანეთი, ფასანაური, დედოფლისწყარო): 23-24 აპრილს ზოგან შესაძლოა ხანმოკლე წვიმა ელჭექით და სეტყვა აღინიშნოს, 25 აპრილს კი უნალექო ამინდია მოსალოდნელი. ჰაერის ტემპერატურა დღისით +28, +30 გრადუსი დაფიქსირდება.

⛈ აღმოსავლეთ საქართველოს მაღალმთიან რეგიონებში (ახალქალაქი, წალკა, ბაკურიანი, გუდაური, ომალო, დედოფლისწყარო): 23-24 აპრილს ზოგან შესაძლოა ხანმოკლე წვიმა ელჭექით და სეტყვა აღინიშნოს, 25 აპრილს კი უნალექო ამინდია მოსალოდნელი. ჰაერის ტემპერატურა დღისით +21, +23 გრადუსი დაფიქსირდება.

გარემოს დაცვისა და სოფლის მეურნეობის სამინისტრო ბზის მოჭრაზე კონტროლს ამკაცრებს.

სამინისტროს ინფორმაციით, ბზის მოჭრა, ამოძირკვა ან ტოტების დაზიანება დასჯადი ქმედებაა. სანქციის ოდენობა გაზრდილია და 500-დან 2000 ლარამდე ჯარიმას ითვალისწინებს; იმ შემთხვევაში, თუ გარემოსთვის მიყენებული ზიანი 1000 ლარს აჭარბებს, საქმეს სისხლის სამართლის კვალიფიკაცია ენიჭება. ბზის მოპოვება შესაძლებელია მხოლოდ კერძო საკუთრებაში არსებული სანერგეებიდან და ხელოვნურად გაშენებული პლანტაციებიდან, ადგილობრივი თვითმმართველობის ორგანოს მიერ გაცემული შესაბამისი ადგილწარმოშობის ცნობის საფუძველზე.

„კოლხური ბზა წითელი ნუსხით დაცული სახეობაა და მისი მოპოვება სახელმწიფო ტყის ტერიტორიაზე აკრძალულია. ეროვნული სატყეო სააგენტო მოუწოდებს მოსახლეობას, ნუ დაარღვევენ კანონს. თითოეულ გამოვლენილ დარღვევაზე მკაცრი სანქციები გატარდება”, – აცხადებს ეროვნული სატყეო სააგენტოს უფროსი კახა ცერცვაძე.

როგორც გარემოს დაცვისა და სოფლის მეურნეობის სამინისტროს ინფორმაციაშია აღნიშნული, ქვეყნის ტერიტორიაზე ბზის ხმობა, ბოლო რამდენიმე წელიწადია, განსაკუთრებულ პრობლემას წარმოადგენს. გარდა პათოგენური სოკოსი, კოლხური ბზის ბუნებრივი წარმოშობის კორომებს დიდ საფრთხეს უქმნიდა ინვაზიური მავნებელი – ბზის ალურა.

ეროვნული სატყეო სააგენტო მართვას დაქვემდებარებულ ტყის ტერიტორიაზე არსებული დაზიანებული კოლხური ბზის კორომებში კომპლექსურ ღონისძიებებს 2016 წლიდან ახორციელებს, რაც, მავნებელ-დაავადებებთან ბრძოლის გარდა, სახეობის საკონსერვაციო ქმედებებსაც მოიცავს. მნიშვნელოვანია, რომ წლების განმავლობაში განხორციელებული ღონისძიებების შედეგად მავნებლის რიცხოვნობა მკვეთრად არის შემცირებული.

22 აპრილს მსოფლიო „დედამიწის დღეს“ აღნიშნავს. ამ დღეს მთელ მსოფლიოში გარემოს დაცვის მხარდასაჭერი ღონისძიებები იმართება.

წელს „დედამიწის დღის“ დევიზია „ინვესტიცია ჩვენი პლანეტისთვის“.

ეს დღე 1990 წლიდან საქართველოშიც აღინიშნება, რომლის ფარგლებშიც მთელი ქვეყნის მასშტაბით დასუფთავებისა და გამწვანების აქციები ტარდება.

„დედამიწის დღე“ 1970 წელს აშშ-ში დაარსდა და ყოველწლიურად 193-ზე მეტ ქვეყანაში აღინიშნება.

 ამ დღეებში თბილისს რამდენიმეწლიანი პაუზის შემდეგ ისევ ეწვია ქართული თეატრის დასი აზერბაიჯანის რესპუბლიკიდან, ისტორიული ქართული კუთხიდან - საინგილოდან, კახის რაიონის სოფელ ალიბეგლოდან (ისტორიული ქათმისხევი) და მონატრებულ მაყურებელს თავის შემოქმედებას წარუდგენს.

აზერბაიჯანის რესპუბლიკის ილია ჭავჭავაძის სახელობის ალიბეგლოს სახელმწიფო ქართული დრამატული თეატრის გასტროლები თბილისში, რუსთაველის ეროვნულ თეატრში გაიმართება.

22 აპრილი- ნიკოლოზ წულუკიძე - „სიბრძნის ქარავანი“

დამდგმელი რეჟისორი - ნაილი თოფალაშვილი.

23 აპრილი- ვახტანგ ანდიაშვილი „დაცემული ანგელოზის უკანასკნელი თავშესაფარი“,

დამდგმელი რეჟისორი - ლერი შიოშვილი.

გასტროლი უკავშირდება ისეთ მნიშვნელოვან მოვლენას, როგორიც არის კახის რაიონის სოფელ ალიბეგლოს სახელმწიფო ქართული დრამატული თეატრისთვის ილია ჭავჭავაძის სახელის აღდგენა.

დასაწყისი 19:00 საათი

დასწრება თავისუფალია

პროექტი ხორციელდება საქართველოს კულტურისა და სპორტის სამინისტროს მხარდაჭერით.

აღსანიშნავია, რომ საინგილოს თეატრის სპექტაკლებს უსინათლოთა კავშირის წევრები, მათ შორის ინგილო შშმ პირებიც დაესწრებიან.

ქართული თეატრი კახის რაიონის სოფელ ალიბეგლოში 1981 წელს დაარსა რეჟისორმა ანზორ დოლენჯაშვილმა და იგი წლების მანძილზე იყო ამავე თეატრის სამხატვრო ხელმძღვანელი და დირექტორი.

სერგო კერესელიძე, საინგილოს მკვლევარი, ჟურნალისტი

2024 წლის 20 აპრილს, წალკის ეპისკოპოსმა გრიგოლმა (კაცია) რუსთავში წმინდა მეფე დავით აღმაშენებლის სახელობის ახალაგებული ტაძარი აკურთხა.

ამავე დღეს მეუფე გრიგოლმა მღვდლად დაასხა ხელი დიაკონ კახაბერ ნუროშვილს, რომელსაც სახელად მიქაელი უწოდა.

მღვდელი მიქაელი რუსთავის სიონის ტაძარში იმსახურებს.

ნუროშვილები ძირითადად აზერბაიჯანის რესპუბლიკაში, ისტორიულ ქართულ კუთხეში - საინგილოში, კახის რაიონში ცხოვრობენ. მამა მიქაელ ნუროშვილიც წარმოშობით საინგილოდან, ქალაქ კახიდანაა.

აღსანიშნავია, რომ საქართველოს ტერიტორიაზე დროებით თუ მუდმივად მცხოვრები ინგილო ქართველების (ზოგიერთ მათგანს საქართველოს მოქალაქეობაც აქვს) ძირითადი ნაწილი ლაგოდეხის მუნიციპალიტეტში, თბილისში, რუსთავსა და დედოფლისწყაროს მუნიციპალიტეტის სოფელ სამთაწყაროში არიან დასახლებულნი. სამთაწყაროს მოსახლეობა ორი ნაწილისგან შედგება - იქ ერთმანეთის გვერდიგვერდ მეგობრულად ცხოვრობენ მუსლიმი აჭარელი ეკომიგრანტები და 1930 წელს აზერბაიჯანის რესპუბლიკიდან, კახის რაიონის სოფელ ყორაღანიდან გადმოსახლებული ინგილო ქართველები.

სერგო კერესელიძე, საინგილოს მკვლევარი, ჟურნალისტი

იმისთვის, რომ თქვენს სააღდგომო სუფრაზე ლამაზი ჯეჯილი ბიბინებდეს, თადარიგი წინასწარ უნდა დაიჭიროთ. გახსოვდეთ, რომ ხორბალი აღდგომამდე ორი კვირით ადრე, ბზობის კვირაში ითესება და ამ პროცესს თავისი წესები აქვს.

ჯეჯილისთვის ნებისმიერი ფორმისა და ზომის ჭურჭელი გამოდგება. ხორბლის რაოდენობა და ჭურჭლის ფორმა კი დიასახლისის გემოვნებასა და ფანტაზიაზეა დამოკიდებული.

ჯეჯილი თეფშზე ან ლანგარზე

1) ხორბლის მარცვალი სწრაფად რომ გაღივდეს და კარგად გაიზარდოს, უნდა გარეცხოთ, ოდნავ შემთბარი წყალი დაასხათ და მთელი ღამე გააჩეროთ.

2) დილას წყალი გადაღვარეთ, ხორბალი გარეცხეთ და მინის ქილაში გადაიტანეთ. ქილას თავი დააფარეთ და ხორბალი 24 საათის განმავლობაში დატოვეთ. მომდევნო დღეს ქილიდან ამოიღეთ, წყალი გადაავლეთ და დასათესად მზადაა.

3) ჭურჭელში, რომელშიც ხორბლის დათესვას აპირებთ. 4-5 სანტიმეტრის სისქეზე ჩააფინეთ ბამბა ან ჩაყარეთ სუფთა მიწა.

4) „ნიადაგი“ თბილი წყლით დანამეთ და ზემოდან, 1 სანტიმეტრის სისქეზე, ხორბალი მოაბნიეთ.
ლანგარი თბილ და ნათელ ადგილზე დადგით, რომ მარცვლები სწრაფად გაღივდეს და გაიზარდოს.

5) „ნიადაგი“ რომ არ გამოშრეს, არ დაგავიწყდეთ, დილა-საღამოს პულვერიზატორით დანამოთ.

დაახლოებით, ერთ კვირაში თქვენი ჯეჯილი ულამაზესი სანახავი იქნება.

65 წლის ასაკში ქართველი მხატვარი ირაკლი სუთიძე გარდაიცვალა.

ბიოგრაფია

ირაკლი სუთიძე ქართველ მხატვართა 80-იანელთა თაობის წარმომადგენელია. მხატვარს მკაფიოდ ინდივიდუალური წერის მანერა გამოარჩევს. მისთვის სახასიათო მხატვრული ხერხები (ოქროსფერი ფონი; მრავალშრიანი ფაქტურული ზედაპირი; ახლო პლანით მოცემული გამოსახულებები) მის მონუმენტურ კოპოზიციებს რომანტიულობის ელფერს ანიჭებს. სიუჟეტებში უგულვებელყოფილია დროის შეგრძნება. ნარატივისგან დაცლილი სცენები განზოგადოებულ სახე-ხატებად წარმოგვიდგებიან, რელიგიურ თუ მითოლოგიურ ასოციაციებს იწვევენ. 

ირაკლი სუთიძემ 1981 წელს დაამთავრა თბილისის სახელმწიფო სამხატვრო აკადემია , სახვითი ხელოვნების ფაკულტეტის დაზგური გრაფიკის მიმართულებით. 1983-1986 წლებში მუშაობდა საკავშირო სამხატვრო აკადემიის ფერწერის შემოქმედებით სახელოსნოში; მონაწილეობდა ჯგუფურ გამოფენებსა და პროექტებში მსოფლიოს სხვადასხვა ქვეყანაში (Ca Global Future, ვენა, ავსტრია, 1994; კავკასიელი მხატვრები, ლიბერალურ პროფესიათა სახლი, მონპელიე, საფრანგეთი, 1999; „შეეხე საქართველოს“, გერმანიის განვითარების ბანკი, კიოლნი, გერმანია, 2013; Mia Casa, ტოსკანა, იტალია, 2015; და სხვ.); ჰქონდა არაერთი პერსონალური გამოფენა თბილისში. მისი ნამუშევრები დაცულია საქართველოს და საზღვარგარეთის მუზეუმებსა და გალერეებში: ეროვნული მუზეუმი და ქართული სახვითი ხელოვნების მუზეუმი, თბილისი; გალერეა „ელექტრა“, საუსალიტო, აშშ; ნიკოლა სტრონახის გალერეა, ფერმოილ ლოჯი, კასტელო, ირლანდია და გერცევის გალერეა, მოსკოვი რუსეთი. აგრეთვე კერძო კოლექციებში საქართველოსა და მის ფარგლებს გარეთ: საფრანგეთი, ბელგია, გერმანია, ჰაიტი, ნიდერლანდების სამეფო, დიდი ბრიტანეთი, რუსეთი, თურქეთი, ესპანეთი, შვეიცარია, აშშ, იტალია, ავსტრია, კორეა, ირლანდია, აზერბაიჯანი, იაპონია, სამხრეთ აფრიკის რესპუბლიკა, საუდის არაბეთი.

ვნების შვიდეული აღდგომის წინა კვირას ეწოდება და ქრისტეს ამქვეყნიური ცხოვრების უკანასკნელ დღეებს, მაცხოვრის ჯვარცმას და შემდეგ ქრისტეს აღდგომისთვის მზადებას ეძღვნება.

წელს ვნების შვიდეული 29 აპრილს იწყება.

,,შეგახსენებთ, რომ აღდგომამდე დარჩენილ ერთ კვირას ვნების შვიდეული ეწოდება. ვისაც ამდენ ხანს არ უმარხულია, კარგი იქნება ეს ერთი კვირა მაინც იმარხულოს"

📌პატრიარქი ილია მეორე...

ძველად არ არსებობდა ადამიანი, რომელიც არ ინახავდა ვნების კვირას,
ზოგიერთმა თქვენთაგანმა ვერ შეძლო აქამდე მარხვის დაცვა და აი, ეკლესია კიდევ ერთხელ მოგვიწოდებს რომ ეს დღეები მაინც შევძლოთ და დავიცვათ მარხვის წმინდა დღები.
შესთავაზეთ ოჯახის წევრებს, მეგობრებს, ძმაკაცებს, თანამშრომლებს, ეს ერთი კვირა მაინც იმარხულონ.
უფალი ამასაც შეუწირავს ყველას.

ნუ მივემგსავსებით იმ ადამიანებს, რომელნიც უფალს ჯერ მეფედ აცხადებენ, ტანსაცმელს უფენენ, რტოებით ეგებებიან, 6 დღის შემდეგ კი ზუსტათ იგივე ხალხი ბოროტმოქმედად აცხადებს და გაჰკივიან: ,,ჯვარს აცუთ ჯვარს აცუთ ეგე"

ღმერთმა ყველას მოგვცეს მადლი და ძალა ღირსეულად განვლოთ ვნების კვირა და მივეგებოთ უფლის აღდგომას.

20-22 აპრილს საქართველოს ზოგიერთ რაიონში სითბოს ფონზე მოსალოდნელია ხანმოკლე წვიმა ელჭექით. 20 აპრილს დასავლეთ საქართველოში ჰაერის ტემპერატურა ისევ +30, +35 გრადუსამდე მოიმატებს, შემდეგ დღეებში კი შედარებით დაიკლებს, - ამის შესახებ ინფორმაციას გარემოს ეროვნული სააგენტო ავრცელებს.

სინოპტიკოსების პროგნოზით, თბილისში სითბოს ფონზე შესაძლოა ხანმოკლე წვიმა ელჭექით აღინიშნოს. ჰაერის ტემპერატურა დღისით +26, +28 გრადუსი დაფიქსირდება.

სანაპირო რაიონებში (ბათუმი, ქობულეთი, ანაკლია, ფოთი): მოსალოდნელია თბილი და უმეტესად უნალექო ამინდი. 20 აპრილს ჰაერის ტემპერატურა დღისით +31, +33 გრადუსამდე მოიმატებს, ხოლო შემდეგ დღეებში შედარებით დაიკლებს.

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): 20 და 22 აპრილს მოსალოდნელია თბილი და უნალექო ამინდი. 21 აპრილს ზოგან იწვიმებს. 20 აპრილს ჰაერის ტემპერატურა დღისით +33, +35 გრადუსამდე მოიმატებს, ხოლო შემდეგ დღეებში შედარებით დაიკლებს.

დასავლეთ საქართველოს მთიან რეგიონებში (ამბროლაური, ონი, ცაგერი. შოვი, ჭიათურა, საჩხერე, ხულო): 20 და 22 აპრილს მოსალოდნელია თბილი და უნალექო ამინდი. 21 აპრილს ზოგან იწვიმებს. 20 აპრილს ჰაერის ტემპერატურა დღისით +30, +32 გრადუსამდე მოიმატებს, ხოლო შემდეგ დღეებში შედარებით დაიკლებს.

დასავლეთ საქართველოს მაღალმთიან რეგიონებში (მესტია, ბახმარო): 20 და 22 აპრილს მოსალოდნელია თბილი და უნალექო ამინდი. 21 აპრილს ზოგან იწვიმებს. ჰაერის ტემპერატურა დღისით +21, +23 გრადუსი იქნება.

ქართლში (რუსთავი, ბოლნისი, მარნეული, გარდაბანი, გორი, ცხინვალი): თბილი და უნალექო ამინდია მოსალოდნელი. სითბოს ფონზე ზოგან გაწვიმდება, შესაძლებელია ელჭექიც. ჰაერის ტემპერატურა დღისით +27, +29 გრადუსი დაფიქსირდება.

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): ზოგან გაწვიმდება, შესაძლებელია ელჭექი და სეტყვა. ჰაერის ტემპერატურა დღისით +27, +29 გრადუსი დაფიქსირდება.

აღმოსავლეთ საქართველოს მთიან რეგიონებში (ახალციხე, ბორჯომი, დუშეთი, თიანეთი, ფასანაური, დედოფლისწყარო,): ზოგან გაწვიმდება, შესაძლებელია ელჭექი და სეტყვა. ჰაერის ტემპერატურა დღისით +24, +26 გრადუსი დაფიქსირდება.

აღმოსავლეთ საქართველოს მაღალმთიან რეგიონებში (ახალქალაქი, წალკა, ბაკურიანი, გუდაური, ომალო): ზოგან გაწვიმდება, შესაძლებელია ელჭექი და სეტყვა. ჰაერის ტემპერატურა დღისით +19, +21 გრადუსი დაფიქსირდება.